రండి..!. తలా ఓ చెయ్యేద్దాం..!!

2009/04/29

– నేను రెగ్యులర్ గా చదివె నా మిత్రుడి బ్లాగ్ (Come, Join hands to save a Life !!)లొ చదవడం జరిగింది.. చలించి పోయాను.. నా బ్లాగ్ నుండి కూడ నా మిత్రులకి తెలియచేయాలనుకుంటాను…
——————————————————————————————

chai11

———————————————————————————————-

chai23

__________________________________________________________

chai41

_________________________________________________________

chai51

—————————————————————————————–

“మన మనసులొ కదిలె ప్రేమే మనలొ కష్టాలకి సాయంగా వేల చేతుల్ని పుట్టిస్తుంది.. ఆ చేతులు కలగలసి ఆ కష్టాల్ని కడ తీరుస్తాయి…” ఆ చేతుల్లొ నా చేయుత గా నా వంతు సాయం చేసాను..

మీకు వీలైతె వీలైనంత త్వరగ చేయుతనివ్వండి.. లేదా.. సహయం చేసే వారికి తెలియజేయగలరు..


ఈ ఏప్రియల్ మాసం – నాకొక మరవలేని మధుమాసం !!!

2009/04/23

ఈ జీవితం చాలా చిన్నది.. ఒడుదుడుకులతొ సాగిపోతున్న ఈ జీవన ప్రయాణంలొ నెలబాలుడి ని కలవక దాదాపుగ రెండు వారాలు దాటింది.గత కొన్ని రోజులనుండి గజి బిజి షెడ్యుల్స్ తొ సతమవుతుండటం వల్ల కొన్ని నిత్య కార్యక్రమాలకు హాజరు కాలేకపోయాను. ఎలక్షన్స్ లొ బాగంగా ఈ రోజు బెంగళూర్ లొ హాలిడె కనుక ప్రశాంతంగ ఉదయం 8 గంటల వరకు నిద్ర దేవత కు బాకీగా ఇవ్వాల్సిన నిద్ర మొత్తాన్ని సమర్పించుకుంటుండగా టక్.. టక్.. అను శబ్దం… ఎవరొ తలుపును బాదుతున్నారు. లేచి తలుపు తెరిచేసరికి నెలబాలుడు నాతొ ఇంటర్వ్యుకి సిద్దంగా ఉన్నాడు.. నేను మిమ్మల్ని పిలవలేదు గా అని అంటుండగానె ఇప్పటికి రెండు వారాల నుండి పోస్ట్ పోన్ చేస్తున్నావ్… కమాన్.. ఈ రోజు నానుండి తప్పించుకోలెవు గా అని ఎదురు ప్రశ్నలు సంధిస్తూ రూం లొ సెటిల్ అయిపోయాడు.. వీన్ని ఎలాగైన త్వరగా పంపించెయ్యాలి అనుకొని తనతొ సంబాషణలొ మునిగిపోయాను ఇలా…

ఎందుకొ ఈ నెలలొ కొన్ని నాకు ఎప్పటికి గుర్తుండిపొయే మధురమైన అనుభూతుల్ని, అనుభవాల్ని భద్రపరుచుకున్నాను, సుమారుగా 5000 మైళ్ళూ ప్రయాణించాననుకుంటా….

april


కొలీగ్ పెళ్ళికి హాజరు.— విజయవాడ కనకదుర్గమ్మ ఆలయం — దర్శనం..
ఇంతకు ముందు టపా లొ ఈ ట్రిప్ గూర్చి వివరించడం జరిగింది.. మొదటిసారిగ కనకదుర్గ ఆలయాన్ని దర్శించాను… It was fantastic Experience ..

డిగ్రీ దోస్త్ వివాహం – తిరుపతి టూర్ & వేలూరు దర్శనం
నాకు ఊహ అనేది తెలియనప్పుడు.. నాకు 11 నెలలు వయసున్నప్పుడు తిరుపతి కి వెళ్ళానట.. ఇంతవరకు వెళ్ళే భాగ్యం దక్కలేదు… ఎప్పడినుండో వెళ్ళాలనుకుంటున్నా వీలు కాలేదు… (వీలు కల్పించుకోలెదు). సొ.. మా mca ఫ్రెండ్స్ తొ ప్లాన్ చేసాను.. అక్కడే పెళ్ళి జరుపుకుంటున్న నా డిగ్రీ మిత్రుడి ని కలిసి.. వెంకన్న స్వామి ని దర్శనం చేసుకున్నాం.. మొత్తానికి 26 ఏళ్ళు వచ్చేసరికి ఒక సారైన వెళ్ళగలిగాను అనే సంతౄప్తి మిగిలింది. . అటునుండి వేలూర్ కి.. గోల్డెన్ టెంపుల్.. లక్ష్మినారయణ దేవస్థానం. దర్శనం… ఉన్నది నలుగురే అయిన బాగా ఎంజాయ్ చేసాం… It was marvelous..

మొదటిసారిగ ఓటు హక్కుని వినియొగించుకున్నా..
గత ఎలక్షన్స్ టైం లొ ఓటర్ల జాబిత తారు మారైందని నా ఓటు ని సద్వినియొగ పరుచుకోలెకపోయాను.. ఈ సారి బెంగళూర్ నుండి హైద్రబాద్ కి ప్రత్యేకంగా వెళ్ళి మొదటిసారిగ ఓటు వేసాను.. ఎవరికి వేసాననేది ప్రస్తుతానికి అప్రస్తుతం.. It shows me I casted my vote wisely..

ఇవేకాక..

మా మిత్రుడు రవి ఇంట్లొ లంచ్ టైం – మనొడి కి పెళ్ళైంది… ఒక కూతురు… చాల రోజుల నుండి వెళ్ళాలి..కలవాలి… అనుకుంటూ ఈ సారి వెళ్ళాను..అలా తన ఇంట్లొ కుడి అడుగు లొ ఎడమ అడుగు పెట్టానేమొ మరొలా పవర్ వెక్కిరించింది నన్ను.. అయిన చెమటలు కక్కుతు.. ప్రతి క్షణం ఆస్వాదించాను…ఆనందించాను.. I had good time there with his family..

మా ఊరికి సుడిగాలి పర్యటన – వరి కోతల టైం కావడం తొ అమ్మా నాన్న సిటి లొ లేరు.. సొ మా ఊరికి ఈవెనింగ్ మా గాలి శీను కార్ లొ మా అల్లుడ్స్ తొ సుడిగాలి పర్యటన జరిగింది.. కాసెపు పొలం ముచ్చట్లు విని డిన్నర్ కానిచ్చి.. బాక్ టు హైద్రాబాద్ … Though its short I had Nice time with my parents.

కొలిక్కి వచ్చిన మా సోదరుడి ఇష్యూ – తెలియకుండా వేలు పేడితె కాలదేమో అనుకొని గత కొంతకాలం గా మా వాడు చిక్కుకున్న ఇష్యు కాస్త కొలిక్కి వచ్చింది.. Hope this issue will be closed asap.

ఆకాశమంత.. సినిమా చూసానోచ్ – మండుటెండలకు తట్టుకోలెక ఏదొ ఒక సినిమా కి వెళ్ళాలని దిల్-సుఖ్-నగర్ లొ మా శీను రూం కి వెళ్ళాను…పైగా సంక్రాంతి నుండి ఒక్క సినిమానైన చూడలేదు ఎండలు.. వేడి .. చెమట.. అటుపై బుర్ర టెన్షన్స్ తొ ఉంది కదా అని.. కాస్త ఎమొషనల్ మూవి చూడాలని.. దగ్గర్లొ ఉన్న రాజధాని థియేటర్ లొ విజయవంతగ ప్రదర్శిస్తున్న ఆకాశమంత సినిమా కి వెళ్ళాం.. ప్రకాష్ రాజ్ పెర్ఫార్మన్స్ ఎప్పటిలాగె అదుర్స్! సెంటిమెంట్ + కామెడి + ఎమోషనల్ వాల్యుస్… నైస్ మూవి… ఒక సారి చూడొచ్చు…

క్లైమాక్స్ లొ మీటింగ్ విత్ బాలు – బెంగళూర్ కి తిరిగి బయలుదేరె ముందు.. చాలా చాలా రోజుల తర్వాతా నేను, శీను మా mca క్లాస్ మేట్ కం నా కోలిగ్ అయిన.. బాలు ని కలిసాం… కాస్త కాలక్షేపం… వర్క్ వర్క్ అంటూ జన జీవన స్రవంతి కి దూరంగ ఉన్న బాలు ని కలవడం.. ఆపై… రెండు మూడు గంటలు గడపటం.. హైలైట్ ..It was Fun and memorable !

ఓవరాల్ గా ఈ మూడు వారాలు ఓ క్షణం లా గడిచిపోయాయి… థాంక్స్ టు ఎవ్రీవన్!


ఆహా.. ఏమి రుచి – తినవోయ్ ఒళ్ళు మరచి…

2009/04/08

ఈ వీకెండు మూడు రోజులవడంతొ.. నేను, వంశీ ఆండ్ సుమన్ (నాతో పాటు చదివిన mca  క్లాస్ మేట్స్) ఎప్పటినుండొ పోస్ట్-పోన్ చేసుకుంటూ వస్తున్న కేరళ ట్రిప్ కి ప్రి -ప్లాన్ చేసాం…

మాతో పాటు చదువుకున్న గ్యాంగ్ లొ ఉండె సునిల్ ఇప్పుడు సాఫ్ట్ వేర్ ఇంజినీర్ గ తన సేవలను కేరళ రాష్ట్రానికి అందిస్తున్నాడు.. తను ఎప్పటినుండో ఇన్వైటు (మేము కేరళ రాలేమనుకొని ఫార్మాలిటీస్ కోసం అలా…)చేస్తుండటం తొ ఈ సారి ఎలాగైన వెళ్ళాలి అని డిసైడ్ చేసాం…

ఇంతలొ వంశీ ఎప్పటి లాగె ఎక్కడికి ఏం ప్లాన్ చేసినా నేను రెడీ నాకు జ్వరం వస్తది ఆఫిస్ (వీకెండ్స్ లొ కూడ ఆఫిస్ దర్శనం చేస్తుంటాడు) కి సెలవ్ పెట్టేసి మీతో వచ్చేస్తా అని సత్య పలుకులు చెప్తూ తీరా ఆ టైం వచ్చేసరికి ఉన్న కొంచెం పని మీద లేని శ్రద్ద చూపుతూ ఉంటాడు. ఈ సారి వాడి హాండ్ తొ పాటు బోనస్ గా లెగ్ కూడ ఇచ్చేసాడు..

ఇంకేముంది.. కేరళ ట్రిప్ క్యాన్సిల్..  సునిల్ ఖాతాలొ మరొకసారి హ్యాపినెస్…

ఇక ఈరోజు ఏమి చెయ్యాలొ తోచక పసందైన వంటకం తయారు చేద్దామని నిర్ణయించుకున్నాను…

నా ఆరు మాసాలా వంటశాల అనుభవాన్ని  గట్టిగా ఉడకబెట్టి కమ కమ్మటి ఘాటు మసాలా తగిలించి మెత్తగ గార్నిష్ చేసి చక్కగా మీకు వడ్డిస్తాను..

నేనందిస్తున్న కిటుకులు, చిట్కాలు, సూచనలు, సలహాలు పొరపాటున కూడ మర్చిపోకండి..

మీరు ముందుగా చేయకూడని పనులు, చేయవల్సిన పనులు, తీసుకోవల్సిన అజాగ్రత్తలు, అతి జాగ్రత్తలు నేను విపులంగా చెప్పదల్చుకుంటున్నాను..

మీరు తూ.చా. తప్పకుండ పాటిస్తె మీరు గొప్ప చెఫ్ గా మారె ప్రమాదం ఉంది…

మీరు శాఖహారులా లేక మాంసాహారులా? ఏ హారులైతేనేం వెజ్ కర్రీ మాత్రం తింటారు కదా!  సొ మీకు నేను ఈరోజు  మీకిష్టమైన కూర టమాటా వేపుడు ఎలా వండాలొ వివరిస్తాను.. (హం.. నాకిష్టమని అనుకుంటున్నారు కదూ!)

ముందుగ వంటగది అదే కిచెన్ రూంకి వెళ్ళడానికి మినిమం అర్హతలు ..

* రెండు జతల కిచెన్ సూట్ కుట్టించుకోండి – ఒక జత వెజ్ కర్రీస్ చేసేటప్పుడు ధరించడానికి మరొకటి నాన్ వెజ్ కర్రీస్ వండెటప్పుడు వేసుకోవడానికి.

* ఉన్న A టు Z ఛానెల్స్ ఏదైన ఒక ఛానెల్  వారికి మీరు సింపుల్ గా ఒక కర్రీ చేస్తున్నామని ఒక కాల్ కాని ఎస్.ఎం.ఎస్ గాని చేయండి చాలు.. వాళ్ళూ వారి ఎక్విప్-మెంట్  తొ సహా మీ ఇంటికి రెడీ అవుతారు క్షణాల్లొ.. ఈ మద్యనే మొదలైన కొత్త  ఛానెల్స్ కి చేస్తే ఫలితం బ్రహ్మాండంగా ఉంటుంది.

* మీ ఊర్ళొ ఉన్న R.M.P డాక్టర్ ని  మీ ఇంటికి దగ్గర్లొ ఉండేటట్లుగ లేదా వీలైతె మీ ఇంటికి ఆహ్వానించండి..

ఆ తర్వాత.. వండటానికి కావల్సిన  తగిన పదార్దాలు రడీ చేసుకోండి..

రెండు ఉల్లి పాయలు అర డజను  టమాటాలు ఒక పచ్చి మిరప కాయ ఒక టీ చెంచాడు అల్లం పేస్టూ.. తగినంత ఉప్పు, నూనె, ఎండు మిరప కారం మొదలగునవి, పోప్ కి కావలిసినవి మరియు మసాల పౌడర్ తయారు చేసుకొని రెడీ గా ఉండాలి..

పాటించాల్సిన నియమాలు  మరియు  తయారు చేసే విదానం:

ముందుగా మీరు కుట్టించుకున్న వెజ్ సూట్ వేసుకొని వంటగదిలోకి ప్రవేశించండి..

మిగతాదంత ఛానెల్ వాళ్ళు వారికి నచ్చిన రీతిలొ మిమ్మల్ని వండిస్తారు లేదా వండెలా చేస్తారు..

అయినా మీరు కొన్ని గుర్తుంచుకోండి.. ఆ తర్వాత స్టవ్, లైటర్ ని వెతకండి, అవి దొరికినా తర్వాత స్టవ్ ని లైటర్ సహాయం తొ వెలిగించండి.

ముందుగా ఉల్లిపాయలు కావల్సినంతగా  పోప్ ఐటంస్ తొ నూనె లొ తాలించి అటు పై మిగిలిన ఐటంస్ ని, టమాటా లను గుమ్మరించండి, గుమ్మరించిన తర్వాత ఒక మూత తొ బోర్లించండి .. ఒక 10 నిమిషాలు కిచెన్ గది నుండి బయటకు వచ్చి విశ్రాంతి తీసుకొని అటు పిమ్మట మళ్ళి లోపలికి వెళ్ళండి.. మూత తీసి చూడండి..గరిట తొ అటూ-ఇటూ కొద్దిగ కలపండి..

అంతే… ఇక టమాటా వేపుడు రెడీ.. సొ సింపుల్ గా ఉంది కదు….!

మీకు లభించే ఆదరణ:

ఇక మా జోగ్:రాజ్ లంచ్ కి నేను పిలవకుండానే రావడం జరిగింది.

మన వాడు టమాటా వేపుడు కర్రీ తొ ఒళ్ళు మరిచేలా తిన్న తర్వాత నన్ను ఒకటి  అర్జెంటు గా తీసుకురమ్మనడం జరిగింది….

ఏమిటొ చెప్పండి? ఊ హు.  పాన్ కాదు….

చాకు తెమ్మన్నాడు.. సరె అడిగాడు కదా ఏం చేస్తాడొ చూద్దాం అని వంట రూం లొ కూరగాయలను కట్ చేసె చాకు అదేనండి కత్తి ఇచ్చాను..

తనకి వాడు బదులుగ నేను పొడుచుకొని చస్తాను…. నన్నెవరు ఆపకండి అని బిగ్గరగ అరుస్తున్నాడు..

వీడు అన్నంత పని చేసేలా ఉన్నాడు .. అని చేసెలోపూ కత్తి లాక్కొని ఎందుకిలా చేస్తున్నావ్ అని అడగటం తొ.. నా జీవితం లొ  ఇంత రుచికరమైన తిండి తినలేదు..  నా బతుకు ధన్యం అయింది..  ఇక ఇది తిన్న తర్వాత నేను బతుకుతే  నేను తిన్నదానికి ఆపై బతికినా దానికి కూడ విలువ ఉండదు…తర్వాత బతికినా ఏం ప్రయొజనం? దయ చేసి నన్నాపకండి.. అని కంటిన్యూ చేస్తూ ఉన్నాడు..

సీన్ కట్ చేస్తె తర్వాత సీన్ లొ మా జోగ్: తొ  RMP డాక్టర్ పక్కనే ఉండటం జరిగింది..

సొ మై డియర్ ఫ్రెండ్స్.. టమాటా వేపుడు రుచి చూసినట్లున్నారు కదూ!


ఈ వీకెండు విహార సమయం – ఓ మిత్రుడి వివాహానికై బెజవాడ పయనం!

2009/04/05

గత రెండు మూడు నెలల నుండి మిత్రుల పెళ్ళిల్లకు గైర్హాజరవుతుండంటంతొ ఇప్పటికే నా మిత్రబౄందం నాపై కారాలు-మిరియాలు నూరుతున్నారు.. ఇంతలొ నా క్లొజు మిత్రుడు కం మా ఆఫిస్ కొలీగైన కొండపల్లి ప్రసన్న పెళ్ళి రానే వచ్చింది.. బెజవాడ లొ పెళ్ళి… మా వాళ్ళకు నా పై గసాల, దాచెనచెక్క నూరి పోసే అవకాశం ఇవ్వకూడదని ఎలాగైన ఆ పెళ్ళి కి అటెండెన్స్ వేసుకోవాలని నిశ్చయించుకున్నాను… బెంగళూరి నుండి విజయవాడ కి మూడు రోజులముందే ఫ్రైడే రాత్రి 11:30 కి గౌహతి ఎక్స్ ప్రెస్ కి నాలుగు టికెట్ లు బుక్ చేసేసాం. నేను, మా జోగ్ రాజ్, నీలేష్ & స్వప్న ఆఫిస్ లొ లేని పనులు కూడ చేసేసి స్టేషన్ లొ ఆన్ టైం మీట్ అవుదాం అని ప్లాన్ వేసాం..

‘పక్కీంటోడికి పెళ్ళి చూపులట..’ నాకావిషయం ఇప్పుడె తెల్సింది అని స్వప్న, ‘ఆఫిస్ లొ కొత్తగా జాయిన అమ్మాయి అనుకోకుండా ఈ శనివారం సాయంత్రం నాకు డేటింగ్ ఇచ్చింది’ అని నీలెష్ ఇద్దరు చెత్త సాకులతొ తప్పించుకున్నారు .. ఇక నలుగురి లొ ఇద్దరిలా నేను నాతొ పాటు జోగ్: రాజ్ ఏ కారాణాలు చెప్పుకోకుండా రాత్రి 11:10 కి స్టేషన్ కి చేరుకున్నాం.. ఎండాకాలమనా? లేకా జనరేటర్ ప్రాబ్లమా అర్దం కాలేదు మాకు…. ట్రైను అంధకారం లొ ఉంది…ట్రైను లొ కుడా పవర్ కట్టా.. నాయాన శ్రీమాన్ లాలు జీ… ఎక్కడున్నావ్.. నీకొక దండం అంటుండగానె 11:20 కి కరెంటు వచ్చింది.. మొత్తానికి కేటాయించిన సీట్ల లొ బైటాయించాం… అరచి అరచి విసిగి పోయిన ఒక ఆడగొంతు స్వరం తొ “మే ఐ హావ్ యువర్ అటెన్షన్ ప్లీజ్” అనటం మొదలు అంతే.. మా జోగ్: రాజ్ 11:29:00 కి కిందికి దిగి పరిగెత్తుతూ 11:29:59 కి చేజ్ చేస్తు లోపలికి వచ్చాడు… సరిగ్గ టైమంటె టైము 11:30 కి ట్రైను కదిలింది..

చుట్టు పక్క బెర్తులు అంతగా ఆకట్టుకోకపోవడంతో అర గంటలొ నిద్ర లోకి జారుకున్నాం.. చాయ్ .. చాయ్.. గర్మా గరం చాయ్.. అనే చప్పుడు వినపడటం తొ మెలుకవ వచ్చింది… సమయం మర్నాడు అనగా శనివారం ఉదయం 9 గంటలు.. ఒక టేస్ట్ లేని టి త్రాగి మత్తు రావడం తొ మళ్ళి పడుకొన్నాను… ఇంతలొ.. ఇంకా విడుదల కాని సినిమాల పాటల్ని ఎవరొ ఆలపిస్తున్నారు… ఈ విరళ కంఠ స్వరం ఆడు వారిదా లేక మగ వారిదా అనే సందిగ్దం లొ నేనుండగా పెద్ద సౌండు.. మా జోగ్: వీపు పై.. సర్రున చార్చిన శబ్దం. ఎవరబ్బా అనుకొని కిందికి తొంగి చూడగ కింద బెర్తులొ మా జోగ్: ని డబ్బుల కోసం ఆటు ఈటు కాని వాళ్ళూ..( ఆ వాళ్ళే..) పాటలు పాడి ఆ పాటల్తొ హింస పెడుతున్నారు.. ఇంకెముంది.. మా జోగ్: ఆ ఎఫెక్ట్స్ లను.. బాగా ఎంజాయ్ చేస్తూ ఉన్న డబ్బులు సమర్పయామి…

నేను ప్రయాణించిన చెత్త ట్రైనుల లిస్టులొ గౌహతి ఆడ్ చేసుకోవడం జరిగింది.. ఇక మరొక గంటలొ బెజవాడ చేరుకోబోతున్నాం.. సమోసా.. సమోసా.. అని అరుస్తున్నవాడి నోరు కి ఐదు నిమిషాలు బ్రేక్ ఇచ్చి.. రెండు.. సమోసాలు లాగించేసాం.. పచ్చి ఆలుకి ఎండిన చపాతి తొడిగించినట్లుంది ఆ సమోసా టేస్టు.. “జబ్ తక్ బీహార్ మే లాలు రహెతా తబ్ తక్ సమోసా మె ఆలు రహెతా” మరొ సారి లాలు ని గుర్తు కి తెచ్చుకోవడం నా వంతైంది.. మా జోగ్: కి టీ తాగాలనిపించింది.. గ్లాసులు పట్టుకొని టీ.. చాయ్ .. అంటు.. మరొకడు రానే వచ్చాడు.. గ్లాస్ లు మాత్రం చాల స్టైలిష్ గా మన ఆఫిస్ లొ పాంట్రీ లొ చాయ్ కి వాడె గ్లాస్ లాగా.. ఆపై.. IRCTC సింబల్ తొ ఆకర్షణీయం గా ఉన్నాయి… గ్లాస్ లొ ఒక టీ సాచెట్ తగిలించి ఆ నీళ్ళా పాలు పోసాడు.. అలా పడుతున్నాడు.. ఇలా కింది నుండి కారిపోతుంది.. ఇంకో గ్లాస్ ఇరికించినా దాని నుండి కూడా కారిపోతుంది.. అలా వాడి దగ్గరున్న అన్ని గ్లాస్ లకు తూట్లు ఉన్నాయ్…. ఇక అక్కడున్న అందరం చెసేది ఏమి లేక రైల్వే వ్యవస్థ – లాలు పై ఒక డిబేట్ ఇవ్వడం జరిగింది.. ఇంతలో విజయవాడ వచ్చేసాం….

weekend-praksహోటల్ ఐలాపురం లొ దిగాం.. మాతొ హైదరాబాదు నుండి వచ్చిన మిత్రబౄందం చేరింది… ఇంకేముంది.. రాత్రి 7 గంటలకు రెసెప్షన్ ఉండటం తొ … అలా అలా షికారు కెళ్దాం అని.. ముందుగా.. కనకదుర్గమ్మ దేవాలయం దర్శించి అక్కడినుండి.. ఫొటొ సెషన్ లొ బాగంగా ప్రకాశం బారేజ్. క్రిష్ణమ్మ అందాలు.. చిన్ని పరవళ్ళు… చుట్టుపక్కలా గాలించి.. చివరికి ఆ ఫంక్షన్ హాలు ..అమ్మా హాలు కి చేరుకున్నాం.. రెసెప్షన్ కార్యక్రమం వైవిద్యం గా జరిగింది.. నేను అలా చూడటం నాకు కొత్త మరి… ఒక వ్యాఖ్యాత తన దైన శైలి లొ ముందుగ వధూ వరులని లని స్టేజ్ పైకి పిలవడం.. వచ్చిన అతిధులతొ చప్పట్లు కొట్టించడం.. ఇరువురి కుటుంబాలని వేదిక పైకి పిలవడం.. ఒక బిజినెస్ మీటింగ్ లా కార్యక్రమం అద్యంతం వరకు కామెంట్ కొనసాగుతూ ఉంది… వరుడు.. చిరంజీవి.. ప్రసన్న కుమార్ ప్రముఖ బహుళ జాతి సంస్థలొ మూడెళ్ళుగ ఉద్యోగం చేస్తున్నాడు అని.. .అలా… అలా చివరి వరకు కామెంట్ తొ కార్యాక్రమం కొనసాగింది… మేము.. కొన్ని స్టెప్పు లేసి… బోజనం లాగించి తిరిగి బెజవాడ రైల్వే స్టేషన్ కి చేరాం.. 11 గంటలకి శేషాద్రి ఎక్స్ ప్రెస్…

శేషాద్రి ఎక్స్ ప్రెస్.. నాకెందుకొ ఈ ట్రైను పర్వాలేదు అని అనిపించింది..పడుకొని లేచి మాకు తెల్లరే సరికి ట్రైను..మళ్ళీ.. మర్నాడు.. అదే ఈరోజు .. ఆదివారం మధ్యాహ్నాం… బెంగళూరికి చేరింది.. ఇంకేముంది.. ముప్పై ఐదు గంటల్లొ ఇరవై ఇదు గంటలు జర్నీ చేసినా చాల రోజుల తర్వాత జనాల్ని కలిసామన్న సంతోషం నాకు కలిగింది.. చాల గాప్ తర్వాత ఒక చిన్న ఔటింగ్ లాగా అనిపించింది.. ఇంతకి మీరేమి చెసారు? .. వీలైతే నాలుగు జాబులు కుదిరితే ఒక కామెంటు.. ఇక్కడ రాసేయండి మరి..!


ఎన్నికల హొరు – ప్రచారాల జోరు !!!

2009/04/01

ఎన్నికల సమయం దగ్గర పడుతుంది… రాజకీయ నాయకులు వాడి వేడి ప్రసంగాలతొ ఆంధ్ర జనాన్ని ముంచేస్తూ . దబుల్ ధమాక అఫర్స్ అంటు.. బంపర్ అఫర్స్ అంటు.. అర చేతిలొ వైకుంఠం చూపిస్తూ ముందుకు వస్తున్నారు..!

గమనిక: నా బ్లాగ్ రీడర్ లకు తెలియజేయునది ఏమనగ నేను ఇప్పుడు  మహా కూటమి పార్టి లొ ఉన్న TDP  తప్ప మిగతా  పార్టీస్ (TRS, CPI and CPM.. if any other)  గాని ఆ  పార్టి ప్రముఖుల ప్రచారాల గురించి ఇక్కడ ప్రస్తావించడం లేదు..  కారణం అడుగొద్దు !  ఆ  మహా కూటమి ఫ్యాన్స్  అన్యదా భావించకూడదని నా మనవి.

నేనభిమానించె పార్టీ : LSP

lokstaమార్పు… కావలి మనకు.. తరం.. కొత్త తరం.. ఆ కొత్త తరానికి  సరి కొత్త రాజకీయం అనే నినాదం తొ సత్తా చూపించుకోవాడానికి రెఢీ  అవుతున్నారు లోక్ సత్తా పార్టి కెప్టన్ శ్రీ జయ ప్రకాష్ నారయణ్ గారు..     IAS టాపర్ గా అరంగ్రేటం చేసి.. 16 సంవత్సారలుగా  పబ్లిక్ సర్విస్(జాయింట్ కలెక్టర్, కలెక్టర్.. etc..) లొ అనుభవం ఉన్న తను ఒక  ex-IAS ఆఫిసర్  గ మన భారత రాజకీయాల్లొ సరి కొత్త  మార్పు తీసుకురావలని  2006 లొ పార్టి ని స్థాపించి ఈ సారి మొదటిసారి గా పోటి కి 50 గ్యారంటీలతొ  సంసిద్దమయ్యారు.

ఈయన గారి ప్రచారం లొ బాగా  వినిపిస్తున్నవి ఇంక నన్ను ఆకట్టుకున్నవి కొన్ని .. ఇవిగొ:

*** యువతరానికి నవ తర రాజకీయం  *** ప్రతి జిల్లాకి ఒక ప్రభుత్వం *** మంచి ప్రమాణాలతొ కూడుకున్న  విద్య మరియు ఆరొగ్యం… *** సామజిక న్యాయం  & కరెప్షన్ ని నిరొదించడం (నాకు తెల్సి చాల కష్టం) ***

ప్రచారం లొ బాగంగా ప్రత్యేకంగ ఈ మద్యన రైళ్ళో ప్రయాణిస్తు ప్రజలను కలుసుకుంటున్నారు. కాస్త పార్టీ జనాల్లొకి పూర్తి గా వెళ్ళలేదు…  ప్రస్తుత పరిస్థితుల్లొ ముఖ్యమంత్రి గా కాకపొయిన ప్రతిపక్షంగ అసెంబ్లి లొ ఉండటం మనకు, మన రాష్ట్రానికి, మన రాష్ట్ర అభివౄద్ది కి  చాలాల చాలా అవసరం!!!

నేనభిమానించె పార్టీ : PRP

chiruprajarajyampartyphoto

కులం కొసం ఉన్న  పొలం అమ్ముకున్న వాళ్ళు  కొకొల్లలు గ ఉన్న మన రాష్ట్రం లొ ప్రజల పిలుపు అందుకుని సామాజిక న్యాయం చెయ్యటానికి 3 దశాబ్దాల సిని అనుభవ సుమభంధంతొ మరియు  అఖిలాంధ్ర ప్రేక్షకుల మద్దతుతొ రాష్ట్రంలొ రాజకీయంగ్రేటం చేసి ప్రజా రాజ్యం అనే పార్టి ని స్థాపించి    సంచలన ప్రకటనలు ఇస్తూ వస్తున్న మెగా స్టార్.. మన అన్నయ్య … శ్రీ చిరంజీవి  గారు ..!!!

ఈయన గారి ప్రచారం లొ బాగ వినిపిస్తున్న  సంగీతమిదిగొ:

$$$  ప్రజా రైతు బంధు పథకం  $$$  ఆడ పిల్లలకు KG నుంచి PG  వరకు ఉచిత విద్య.   (ఉన్నత ప్రమాణాలకు అనుగుణంగ ఉంటె బాగుంటుంది) $$$ మెయిన్ గ SC,ST,BC & మైనారిటీస్ పై ఫోకస్ $$$ అన్ని సెక్టార్ లను ప్లాన్ చేసారు $$$

చిత్ర పరిశ్రమలొ ఇప్పటి వరకు కథానాయకుడు గ చూసాం.. ఆనందించాం.. గర్వించాం..ఇప్పుడు రాజకీయనాయకుడి వేషం లొ చూడబోతున్నాం.. సోదరుడు   పవర్ స్టార్ పవన్ కళ్యాణ్ యువరాజ్యం  యూత్ ని బాగా మోటివేట్ చేస్తున్నాడు..

పార్టీ లో కన్సిస్టెన్సీ మెరుగుపడితె రానున్న కాలం లొ తెర పై చూసిన హీరొ ని CM గా చూడొచ్చు.. అంతేకాక  ప్రతిపక్షం లో నైనా  మార్పు కొసం తపించే  ఇలాంటి వ్యక్తుల సేవలు అవసరం!

నేనభిమానిస్తున్న పార్టీ : TDP

tdp

ఈ పార్టీ ని, పార్టీ ప్రముఖున్ని మన తెలుగోల్లకు పెద్దగ పరిచయం  చెయక్కర్లేదు! 9 సంవత్సరాలు ఆంధ్ర రాజ్యమేలి  మన రాష్ట్రాన్ని  అందునా హైద్రాబాదు ని  ప్రపంచ మాప్  లొ స్థానాన్ని స్పుష్టపరిచిన వ్యక్తి.. మాస్టర్ మైండ్..  శ్రీ  చంద్ర బాబు గారు!

హైదరాబాదు ని సైబరాబాదు గా చేసిన ఘనత బాబు కె దక్కుతుంది..! ఎవరిని ఎలా ఉపయొగించుకోవాలి అనే దాంట్లొ Ph.D సర్టిఫైడ్. మంచి అడ్మినిస్ట్రేటివ్ స్కిల్స్.   ఈ ఎలక్షన్స్ కోసం పొయిన స్థానం కోసం పాటు పడుతున్న బాబు నుండి జాలు వారిన వరాల్లొ కొన్ని వరాలివిగొ:

%%% పేదలకు ఉచితంగ కలర్ TV లు %%%
%%% ఉచిత చికిత్స (జ్వరం నుండి — గుండె జబ్బు వరకు) %%%
%%% రైతులకు బంపర్ ఆఫర్స్ %%%

ఇక ప్రచారానికి బామ్మర్ది బాలయ్య అల్లుడు Jr. NTR చేసే రోడ్ షోస్ లకు చాలా ఆదరణ లభిస్తుంది. ముఖ్యం గ NTR ఐతే ప్రచార హోరు లొ కాంగ్రెస్ అవినీతిని చక్కగా వివరిస్తున్నాడు.. జనాల్లొ చైతన్యానికి పార్టి ఎదుగుదలకి తన ప్రచారం కేంద్ర బిందువైంది. “మంచి పాలిచ్చె ఆవును గద్దె దించి మీరు అందరు  ఒక దున్నపొతును గద్దె ఎక్కించారు”  ఆహా.. ఏమి డైలాగ్.. ఒక సామన్యుడిని తప్పకుండా అలొచింపజేస్తాయి.గత ఎన్నికల్లొ రైతులను ఆదుకోలేదని ఓటమి పాలైన బాబు తిరిగి ఈ సారి అధికారాం తన చేతుల్లొకి తెచ్చుకోవాడానికి బ్రహ్మాండమైన హోం వర్క్ చేస్తున్నారు.. ఒకసారి బెస్ట్ CM గా ప్రూఫ్ చేసిన తను.. మరొక సారి  ౠజువు చేసుకొవడానికి సిద్దం గా ఉన్నారు..

నేనభిమానించిన పార్టీ : Congress

ysrనాకు ఊహ తెలియనప్పుడు అభిమానించిన పార్టి కాంగ్రెస్.. రైతులకు అన్యాయం జరిగిందని పాద యాత్ర చేసి  సానుభూతి తొ రాష్ట్రాన్ని తన చేతుల్లొకి తీసుకున్న ప్రియతమ నాయకుడు.. శ్రీ YSR గారు.అధికారం లొ ఉన్నారు కదా.. మళ్ళీ తనే రావాలి అంటూ ప్రజలకిస్తున్న దబుల్ ధమాకా లొ కొన్ని ఆఫర్స్ ఇవిగో:

~~~ LPG గాస్ ధర తగ్గింపు అది కూడ 100/- లెస్సు మరి ~~~
~~~  కిలొ రెండు రూపాయల బియ్యం కోటా పెంపు ~~~~
~~~ ఇందిరమ్మ x.y మరియు రాజివ్ y.z  ~~~


ఇక ప్రచారం సెంటిమెంట్ చెల్లమ్మ చేవెళ్ళ నుండి స్టార్ట్ చేసి.. జన భేరి, తర్జన, గర్జన, భర్జన సదస్సులతొ దూసుకెళ్తున్నారు…. గత ఐదేళ్ళ పాలన లొ మనం సాదించిన దానికంటే కోల్పొయింది చెప్పుకోవాలంటె నా బ్లాగ్ చాలదు! మన రాష్ట్రానికి మార్పు అవసరం.. ఇది కావాలంటె నాకైతె ఇక రెస్ట్ తీసుకొంటె మంచిదని లేదంటే ప్రతి పక్షానికి  తిరిగి వెళ్తె చాలు అని అనిపిస్తుంది.. బెస్ట్ ఆఫ్ లక్!

ఇక BJP పార్టి కి చాన్సెస్ తక్కువగ ఉన్నాయ్.. ప్రచారాలు కూడ అంతంత మాత్రం గానె కనిపిస్తున్నయి..
ఏది ఏమైన వివిద పార్టీ ల ప్రచార హోరులు.. జనాల్లొ మార్పు తీసుకొచ్చేలా కనిపిస్తుంది..

+++++++++++++++++++++++++++++++++++++++++++++++++++

అన్నట్లు ఈ బుల్లి బ్లాగ్ మూడు నెలలు పూర్తి చేసుకొని నాల్గొ నెలలోకి అడుగు పెట్టిన సందర్భం గా బ్లాగ్ రీడర్స్ కి ధన్యవాదాలు !