మకర సంక్రాంతి – మీకందించాలి నూతన క్రాంతి!

2010/01/13

సంక్రాంతి అనగానే పిల్లకాయలనుండి పెద్దకాయలవరకు ఎనలేని ఉల్లాసం, ఉత్సాహం. ఎందుకంటె క్రొత్త సంవతరంలో వచ్చే మొదటి పండగ, మన తెలుగు వాళ్ళందరికి చాలా పెద్ద పండగ మరియు ముఖ్యమైన పండగ. అంతేకాక వరుసగా జరుపుకునే మూడు రోజులు  పండగ.

చిన్నప్పుడు అర్దసంవత్సర పరిక్షలు అయిపోగానే సంక్రాంతి సెలవులకోసం  గంతులేసే క్షణాలు,ప్రతి ఇంటా కదంతొక్కే  ఆనందపు పరవళ్ళూ, కొత్త బట్టల కొనిమ్మని చేసే అలకలు, చలి కాచే భోగి మంటలు, ఇంటికొచ్చే పాడి పంటలు, వాకీట్లొ వెలిసే ముగ్గులు, ముద్దుగొలిపె గొబ్బిళ్ళు, కోడి పందాలు, పతంగుల ఆటలు, కమ్మనైన పిండి వంటలు..ఇతరులతొ పంచుకునే మధురబావాలు, సంతోషపు సరాదాలు.. ఆహా  తలుచుకుంటే కావా ఇవి మధురస్మృతులు…

మీకు, మీ కుటుంబ సభ్యులకు ఈ మకర సంక్రాంతి సరి కొత్త క్రాంతి ని ప్రభావితం చేయాలని ఆకాంక్షిస్తూ…

– మీ నేస్తం

<span style=”color: #8d38c9; font-size: 16px;”>

మనష్యుల్లొ రకాలు – మీరు ఏ రకమో తెలుసుకోండి :)

2010/01/12

మనష్యుల్లొ రకాలేంటి?  తింగరి ప్రశ్న అనుకుంటున్నారు కదూ.. మనం ఎవరితోనైనా ఏదైనా చర్చిస్తున్నప్పుడు మూడొ వ్యక్తి ప్రస్తావన వస్తె సందర్భానుసారంగ… వాడా, వాడికి మెదడు అరికాళ్ళో ఉంటుంది.. వాడితొ పెట్టుకుంటె కంప చెట్లొ కాలు పెట్టడమె, వాడు నోరు తెరిస్తే డ్రైనేజే ;) ఇలా ఏదో ఒకటి..అనుకుంటూ ఉంటాం. అది మనకు వాడి తొ కలిసి ఉండటం వల్ల అవగాహనతోనో లేదా వాడి తొ చేసిన పనుల వల్లో, వాడిని స్టడి చేయడం వలనో మనకు బాగా తెలిసొస్తుంది..

ఇంతకి నేను చెప్పొచ్చేది ఏమిటంటె, కాలేజ్ కెళ్తున్న రోజుల్లొ మా ఇంగ్లీషు మాస్టారు ఒక రోజు క్లాస్ లొ మీరు నిన్న రాసిన అసైన్ మెంట్ టెస్ట్ మార్కులు తెలుసుకోండి అంటూ.. అందరికి పేపర్స్ ఇచ్చిన తర్వాత మా మొహాల్లొ ఎక్స్ ప్రెషన్స్ చూసి “అరె మీకు మనుష్యుల్లొ రకాలు తెలుసండర్రా?” అని అడిగి మేమిచ్చె డిఫాల్ట్ ఆన్సర్ త్వరితం గా తెలుసుకొని తను చెప్పడం ప్రారంభించాడు.

మొదటి రకం – కర్పూరం:

ఈ రకం మనుష్యులకి గ్రాస్పింగ్ పవర్ ఎక్కువగా ఉంటుంది.. ఏది చెప్పిన ఇట్లే గుర్తుండి పోతుంది.  ఆచరణలొ పెడతారు,  కర్పూరం లాంటి స్వభావం కలవారు. ఒక సారి వెలిగిస్తే చాలు, మిగతావాటిని వెలిగిస్తూ.. చుట్టు అంతా అంటుకుపోతుంది..

రెండవ రకం – బొగ్గు:

ఈ రకం మనుష్యులకి ప్రతీది గుచ్చి గుచ్చి చెబుతూ ఉండాలి, దేన్నైనా గుర్తు చేస్తూ ఉండాలి. చెప్పింది రెండు రోజులు పాటిస్తారొ లేదో మళ్ళి మూడొ రొజొచ్చేసరికి కథ మొదటికొస్తుంది.. బొగ్గు లాంటి వారు. ఉదాహారణకు ఇస్త్రీ చేసే ముందు బొగ్గును బాగా ఊది వేడెక్కిస్తాం, పది నిమిషాలవ్వగానే చల్లబడిపోతుంది, మళ్ళి ఉపయొగించడానికి ఊదుతూనే ఉండాలి..

మూడవ రకం – తడి బొగ్గు:

ఈ రకం మనష్యులకి ఎంత చెప్పినా చెవిటొడి ముందు శంఖం ఊదినట్లే, నువ్వెంతా చెప్పిన వినే రకం కాదు, తడి బొగ్గు లాంటివారు, మీరు తడిబొగ్గు ని మంటిచడానికి దాని పై కిరోసిన్ పోసినా, పెట్రొల్ పోసి మంటించినా అది కాలదు. కాలదు సరి కాదా దానికి పడే శ్రమ వ్రుధా అవుతుంది… పెట్రొల్ బొక్కా.. ;)

ఈపాటికి మీరే రకమో మీకు అర్దం అయిపోయిఉంటుంది అని అంటుండగా వెనుక బెంచి నుండి  “సర్! మరి మీరు ఏ రకం?” అనే సౌండ్… ;)